| Hello Garci, tapno mangabak
ka a presidente
Sinaur mo’t botos mi, pinagkampayam eleksyon, taxes mi
Kalpasan inamin mo, sungbat laeng, sori ...?
Manangallilaw, manglimlimo, salawasawka a babai!
Dagiti balikas mo, sabidong pagilian
Sonam makarimon, ulbod mo’t napalaluan
Ubbaw a karkarim, barengbareng panagsapatam
Makadadael a proyektom, saplit Kaigorotan!
Gloria Makapal-Arayko, este, Macapagal-Arroyo
Switik, isturbo, INA ti JUETENG, mangted sentimyento
Kangatuan iti utang, gastador a gobyerno
Mai-kadua kuraptor sangalubongan, iti Asya, numero uno!
Laplapdam panagdur-as mi, parigatenna kam’ a babbai
Naulpit programam, mangriribuk umili
Operasyon militar, sungbat mo’t as-asug mi
Idadauluam ranggas, Estado, AFP ken PNP!
Babai ka, utek pulbura, impierno’t yegmo Kordilyera
Aggallangogan ikkis ken dung-aw mi, agintutulengka
Kinapasistam, nagayus dara’t annak mi, nagaduda
Bayadam, naibuwis a biag ipatpateg mi, inka inutang!
Gloria, author ka’t mangirurumen globalisasyon
Mandar WTO, imperyalista mangyeg konsumisyon
Produkto mi awan subsidyo, maabak kumpetisyon!
AY... AY... parigatem, marigrigat dasig mannalon!
Sweldo’t mangmangged di maka-anay
No inkam agwelga, batutaen nakam, AJ, Return to Work Order
Gloria ken Patricia, pagbalinenyo’t welga, iligal
Mandaran yo’t PNP, ag-disperse, naranggas, inda pay pumatay!
Ganganet kapitalista, isaksakit mo, idadanes mo’t kailyam
Dolyar remittances OFWs, kinorakutyo badyet pagilian
Kankantaem a VAT, sintonado, nagalas pay CHACHA a salam
Ibagam mangsolbar krisis, sika’t akingapuanan!
Nauma kami, makadangran a programam
Makapasidduker ID System, MLSA, BALIKATAN
War on Terror ni Bush nga amom, supsuportaram
Aso-aso, paspasurot ka’t US, numero uno terorista’t sangalubongan!
Bumabakan! napalanguad a tao, dikam kasapulan
Di rumbeng agtalinaed peke mangidaulo’t Malakanyang
Gumilgil-ayab pungtot mi a babbai, paulogen dakan
People Power, awan gaway mo, darsem ... pumanawkan! #
|