| Anian a ragsak ti lubong daydi
aldaw pannakaipasngaymo
Nasirib ken nagagetka nga anak bayat panagdakkelmo
Natennebka iti rigat ken problema’t pagiliantayo
Addaanka’t naasi ken nabalitokan panagpuspuso
Nasariritka nga anak, addaan nasariwawek kapanunutan
Inadal ken inamirista puon pagrigrigatan
Napalalo’t ragsakko daydi aldaw panagsapatam
Tapno agkuyogta sumaraget naunday a laban
Sori anak, ammok a kritikal ti agserbft kakailian
Kalabanta’t agar-ari a dasig ken emperialista sangalubongan
No kabaelanmi koman nga leppasen tapno dikay mairamraman
Rinugian dagiti appo naindasigan a laban
Anak! Anian a saem daydi aldaw pannakapasagmo
Ima dagiti nadangkok pasista a gobierno
Nagbassiten a tawen ti panagkuyogta dongngo
Pangnamnamaan dagiti umili,naibuis biag ti anakko
Lapis ken papel laeng dagiti armasmo
Radio announcer, speaker maidadanes a tatao
Naturedka a lider, inlabanmo’t karbengantayo
Brutal a pinataydaka, ta kinadakesda imbutaktakmo
Naibukbuk a daram maysa a lana
Imbatim napapateg nga adal isuda’t mitsa
Mangled tured umili tapno laban pumigpagsa
Kalaban mailunodda, awanan asi ranggasda kenka
Naidatonka nga anak tapno agbiag kapututan
Namnama’t marigrigat nabayag magungundawayan
Dagiti sakripisyom isuda’tpigsami makidangadang
Ibangon baro a gobierno, padapada a karbengan
Iti panagrupsam tumpuar baro nga agsapa
Tedted luami mangsibog tignayan lumawlawa
Agallangogan a dung-awmi mangpatibker panagkaykaysa
Mangsingir adun a biag, aramid estado ken empeialista
Anak, ipagpannakkelka, gapuanam inkam saludoan
Ipupusaymo nangayed pakaistoryaan sangalubongan
Idulinka toy pusok ket dikanto malipatan
Rorneo Sanchez anak, banuarka toy pagilian
By: Leonora Membrot
Innabuyog-Gabriela
This daniw (poem) was composed and read in
a tribute to Ilocos activist Romeo C. Sanchez on March 22, 2005 in Cabaroan,
San Fernando, la Union, Romy has been instrumental in the establishment
of the Gabriela Chapter in Ilocos. His active participation in organizing
women is a significant contribution to the militant women’s movement.
|