Home | To bottom

Takder dagiti mannalon para iti pannakairupir to P85 kada kilo a presyo ti tabako

Solidarity of Peasants against Exploitation (Stop-Ex)

February 15, 2006

Karbengan mi a mannalon a sagrapen ti bunga ti aniaman a nagbannugan mi tapno agbiag kami a disente. Ngem basar ti kapadasan, saan mi a masagsagrap daytoy a karbengan gapu ti sistematiko a panang-agaw dagiti apo’t-daga ken kapitalista bunga ti tunggal tedted ti ling-et ken ti pannakikumplot ti gobyerno kadagitoy a buklis kontra kadakami a mannalon.

KUMARKARU TI RIGAT A SAGSAGABAEN MI. Awan sarday ti panagpangato ti presyo dagiti magatgatang a kangrunaan a kasapulan tapno agbiag ken panagpataud ti produkto a tabako ngem agtaltalinaed a nababa ti presyo dagiti kangrunaan a produkto ti talon kas ti tabako. Idi bulan ti Enero, simmangbay ti napaut a panagtudo a nangdadael ti agarup kaguddua ti mula mi a tabako. Gapu iti kastoy a kasasaad, dakami iti Solidarity of Peasants Against Exploitation (STOP-Exploitation) ket agkaykaysa tapno irupir ti rumbeng a presyo ti tabako ken ti pannakaikkat ti nadumaduma a wagas ti pannakaswitik ken kasta met ti pannakaitantan ti panagbayad ti utang.

NAKALAWLAWAG A DAKAMI A MANNALON TI DURI TI INDUSTRIYA TI TABAKO. Dakami ti mangpabpabaknang kadagiti negosyante ti tabako ken mangmangted ti dakkel a pundo iti kaha ti gobyerno ngem agtultuloy met a dumakdakkel ti lugi mi a mannalon a mangilumlumlum kadakami iti nakaro a kinarigat ti panagbiag. Adda met ti pundo ti RA 7171 ngem saan met a direkta nga agserserbi kadakami.

Dagiti sumaganad ti partikular a kadawatan mi:
1. Ingato ti presyo ti tabako iti P85 kada kilo nga awan ti klasipikasyon na
2.  Pannakaitantan ti panagbayad ti utang ken awan koma interes na
3.  Pagserbien ti pundo ti RA 7171 kadagiti mannalon
4.  Ikkaten ti resiko
5.  Madi mi ti “stop buying” #

Post your comments, reactions to this article

Home | Back to top