Home > Op-ed | To bottom

Dagiti mangngagas a doktor

“Anya, kunam?” saludsod manen dagiti kaarrubak idi kunak a masapol a mangngagas dagiti doktor. Anya pay kano koma ti aramiden dagiti doktor nudiket ti mang-agas?

Agpayso a nag-adal ti amin a doktor tapno mang-agas kadagiti sakit, ken maliklikan dagitoy tapno iti kasta ket nsalun-at nga agbiag dagiti tattao.

“All doctors are compassionate,” kuna ti maysa a doktor.

Anya ngay ti awagna kadagiti doktor a mangsingsingir ti nakangatngato a professional fee? Doktorda latta, ngem dagitoy ket komersyante a mang-agas.

Ti doktor ngay nga aglaklako ti agas? Doktor latta isuna ngem dagitoy ti doctor nga ahente ti agas. No ngay kanu nakanginngina ti singirda iti agas, kaspagarigan ket P50 ti tunggal agas, uray anya a klase? Wenno ti P6 a balor ti agas ket pinagbalinna a P120 kada piraso? Doktor latta isuda, kunak, ngem dagitoy ti doktor nga agtatakaw.

Ngimmato manen ti high blood ko, ti kina-agpaysuna ket siak mismo ti nakasarak kadagitoy a klase ti doktor.

Adda pay dagiti doktor nga agpapada a maysa a berde ken maysa a puraw ti agasna iti uray anya a sakit. Nakabalkot dagitoy iti plastic ngem awan ti nagan dagiti agas.

Mananggundaway a doktor ti awagko kadagitoy. Gundunda-wayanda ti kinapanglaw dagiti tattao. Gun-gundawayanda ti saan a nasalun-at a kasasaad dagiti agsaksakit. Gungundawayanda ti kina-awan ti naan-anay a kaamuan dagiti tattao kadagiti sakit ken ag-agas.

Ti problema ditoy ket kadagiti publiko nga ospital ti nakasarakak iti doktor a nangsingir ti P120 para iti kapsula nga agbalor laeng ti P6. Kadagitoy nga ospital ti mapmapanan dagiti napapanglaw a tattao.

Iti panangkita ti tattao a libre ti bayad dagiti doktor iti publiko, saandan a maamiris nga isuda ti mangbibiag kadagitoy a doktor.

Ti bassit a badyet a naituding para iti salun-at ti nasken a pabasulen nu apay nga adda dagiti manang-gundaway a doktor kadagiti publiko nga ospital. No kitaen ti 0.3% a kabuklan a badyet ti salun-at, ti allotment para iti tunggal maysa a Pilipino ket P0.30 iti inaldaw. Saan pay nga umanay daytoy nga igatang ti kapas.

Isu daytoy ti dakdakkel a rason no apay nga adda dagiti doctor a malaksid a mang-agas isuda ket mananggundawayda met laeng. Adda latta ti mayat kadakuada ket no makakita tayo ti maysa kadagitoy pudno a mangngagas, saluduan tayo dagitoy. #

Home > Op-ed | Back to top