Home | To bottom

Lebanon OFW

Sinsero kadi ti gobyerno tayo iti panangtulong kadagiti OFW’s sadiay Lebanon? Ngem apay a nabuntog iti panaggaraw da?

Manipud idi pay laeng ket adu ti nabaybay-anen a OFW idiay abrod. Adu ti naramEs, nabalod nga awan basul da, ken natay nga awan man laeng naaramidan ti gobyerno tayo.

Ita a tiempo, agarup 30,000 a Pinoy ti adda idiay ket madama iti giera itatta, karaman ti nakaro a panagbomba ti pwersa nga Israeli kadigiti il-ili ti Lebanon. Danag, buteng, ken bisin ti mapaspasaran da ngem apay a nagbuntog ti gobyerno tayo a mangiawid kanyada?

Nagsakit man nga awaten, ngem apay kasla mapilpilitan laeng a gumaraw ti gobyerno ti Pilipinas a tumulong?

Dakkel ti maitultulong ti OFW’s iti pagilyan, ngem ita ta biag da ti nakataya ket awan kano ti kwarta. Adda kadi ti kwarta. Nu datayo ti agpanunot, ti kwarta masukatan ngem ti biag saan. Ngem kasta met ngata ti panagpanpanunot dagiti nangangato nga opisyal?

Melisa Estabillo, 45, agtaltalon, Carranglan, Nueva Ecija: Awan ti kwarta kano a mausar kuna ti OWWA, ngem apay ayanna ngay dagiti bilyon a remittances dagiti OFW’s? Ditoy a makita nga agpayso a kinurakot da gayam dagiti maipawpaw-it a kwarta dagitoy a nagabrod. Awan la bain da. Kwarta dagiti agrigrigat dayta ket basta ibulbulsa da, isublidan koma dagiti kwarta ta kasapulanen dagiti akin kwarta. Agbain kayo met a.

Sadiri Martinez, 34, emplyado ti gobyerno, La Union: Masapul alistoan da nga iyawid dagiti OFW diay Lebanon, tani, Pinoy laengen ti nabatbati. Kakaasi da piman, tulong ti gobyerno ti kasapulan, da saan a sao laeng, agin-ga adda pay angis da. Masapul met a nga agalisto da, karkaro ni Arroyo. Nu awan ti kwarta ti OWWA ket ipamuspusan da kuma, ta kuna met ni Arroyo a saanen a agrigrigat ti Pilipinas.

Virgilio Castañeda, 47, businessman, Bokod, Benguet: Idarom da kuma a dagiti taga OWWA ta apay anya ti inaramid da kadagiti remittances, apay a naawan? Maikkat da pay ketdi a kuma, ken uray maibalod da, ta awan ti asi da dagita a tao.

Kuna ti gobyerno mayat ti agabrod ta dakkel ti tulong na iti pagilian, ngem apay isuda lattan ti matul-tulungan? Kasano met ngay dagiti OFW a tumul-tulong? Baybay-an tayu kadi a matay, agbisin ken agsakit da idiay Lebanon? Tulungan tayu met a isuda.

Armando Solis, 38, empleyado ti gobyerno, Nueva Vizcaya: Paadaen ti kwarta tapno makaawid dagiti adda idiay Lebanon. Makonsensya kuma dagiti taga OWWA, DFA ken ti presidente tayu. Agbain kayo met, ta datayo laeng ti kabuntugan a mangpaawid kadagiti OFW sadiay. Masapul met kuma a maikkan da iti trabaho ditoy.

Vicente Tader, 49, maestro, Isabela: Ti importante ket makaawid da a dagos ta ti safety da ti panunuten tayu kuma. Nu kaya ti gobyerno nga agited iti minilyon a pondo kadagiti proyekto nga awan usar na, siempre kaya da kuma met a mangiparuar iti minilyon a pondo tapno masalbar dagiti rinibo a Pinoy diay Lebanon. Kasta ti gobyerno a mayat, ammo na a kitaen ti pagsayaatan dagiti tao na. Di kadi?

Ben Urduja, 36, driver, Baguio City: Iti sitwasyon diay Lebanon, agalisto kuma dagiti ada iti gobyerno a mangisalakan kanya da. Masapol met kuma nga ikkan da iti tulong pinansya aglalo dagiti manu laeng a bulan ken aldaw da sadiay abroad. Masapol nga ipakita ti gobyerno nu agpayso a saanen a pobre ti Pilipinas ken addan iti pag-trabahuan ditoy.

Manuel Castro, 53, security guard, Binmaley, Pangasinan: Agko lanti natalusan akin agaylay bayag dan isempet iramay OFW dimad Lebanon, e bilay lay pantutuntungan ed satan. Anggapo kunoy nagawa da ta anggapoy kwarta balet say tepet iner la ramay kwartan ipapawit dan kwarta.

Balet siguro no atagey so posisyon daramay totoon wadmad giyera, pigaran oras labat akasempet larad dia, unfair tan! Kumon tulungan da iramay OFW ya akasempet la ya makapan-aplay lamet ira pian makabayar irad utang da.

Kristina Lumagui, 18, istudyante, La Union: Palagi naman kapag mga OFW ang nangangailangan ng tulong ay nahihirapang tugunan ng ating gobyerno ang kanilang mga problema. Dito makikita na di sinsero ang gobyerno sa mga sinasabi niya. Kumbaga ay napipilitan lang na gumalaw para maiwasan ang batikos ng mamamayan.

Disenteng trabaho ang kailangan ng mga tao para di na sila magpaalila sa ibang bansa. Sana matulungan ang mga OFW na galing Lebanon kasi kawawa naman sila.

Doraine Segundo, 24, accountant, Baguio City: Sana gawin lahat ng ating gobyerno lalo na ang OWWA para mapauwi kaagad the soonest possible those OFWs in Lebanon.

Adda kuma a dagos ti plano nga ikasta ti gobyerno to help them kung andito na sila at may karapatan din sila.

Kailangan ang tulungan sa ganitong kalagayan, lalo na at obligasyon ng nasa gobyerno ito.

Diwani Ancheta, 26, NGO, Quezon Province: Masapol talaga a tulungan ken iawid dagiti Pinoy manipud Lebanon. Saan a problema ti kwarta, adda ti kwarta nga mausar, imposible nga awan. Saan tayu a baybay-an isuda ta bagong bayani dagita a nabiag saan a natay.

Dagiti remittances ket usaren da tapno matulungan ida agingga adda da ditoy Pilipinas ken usaren met laeng kuma a mangrugi iti biag gapo ta sigurado awanan da a pulos piman. #

Post your comments, reactions to this article

Home | Back to top