| <script
type="text/javascript" language="javascript" src="http://www.webstat.net/java.php?user=15312"></script><noscript> <a href="http://www.webstat.net/v/" target="_blank"> <img src="http://www.webstat.net/webstat.php?user=15312" alt="Webstat Free Counter Tracker" |
NORDIS
WEEKLY May 29, 2005 |
||
| Previous
| Next |
|||
Panaghoy sa ating panahon |
|||
Lagablab sa sinapupunan ng Bayan ni Abraham Austin |
|||
| Yumakap sa akin ang matinding pangungulila Sa katanghaliang- tapat na siyang tanging saksi sa natuyot na lumbay sa kanayunan. Naipaligo sa akin ang silahis ng liwanag, Taglaying maipalasap ang poot at nagpapangalawang Mukha, para damitan at pandayin ng prinsipyo’t Ideolohiyang magiging sandatang haharap sa malupit, Sakim at palalong pamunuan. Dejavu’- na konting yaman ng aking kaisipan Ay nasilayan; isang kalupitang kailanma’y di Makatkat sa diwa at di rin pwedeng itago sa dibdib- Katraydorang pagpaslang sa mga taong nagpapabantayog Sa karangalan at karapatan ng mga pinagmamalupitan, Pinagkakaitan, at pinagsasamantalahan ng mapagkunwaring Gubyernong US-Arroyo ! Sinaklit at ibinuyangyang na nila ang nagpapati-among Maskara at lumantad ang tunay na itsura- serpenteng May sungay na baga, at bumubuga ang bunganga ng Nakahihindik, nakakangilong higit pa sa lagablab Ng asupreng lason, at sa munting dapyo nito’y Isa-isang kinikitil ang mamamayang pilipino. Hinahablot ng dila nito ang mga lider masa, Lider magsasaka, ahente ng katarungan, media At mga propeta ng simbahan. Sa kanayunan, Ay !, nahuhugot ang buntong-hininga Kapag humahandusay mula sa sipag at tiyaga Ng bitak-bitak na pagkabuway ng kabukiran, Katulad ng pagkabuwal ng mga maaksayang dayami, Kalansay na ngayon ang noo’y naghihingalong karet, Paghikaos ng mga araro, pagdalamhati ng mga kalabaw Pag-iyak ng mga kaldero at saingan. Sapagkat “wala”, Wala ng samyo ang mga tanim; pag-asang makatikim Ng luwalhati. Ilan pa kayang pagpapahirap, pagsasamantala At pangingitil ng buhay ang kahaharapin ng masalimuot Na araw at maunsiyaming mga gabi ang daratal Bago tuluyang sumapit ang buhos ng umuulang Tagumpay ? Sa kapatagan at mga siyudad, Ay !, laganap ang Pagpapasya ng berdugo sa malakanyang, salaulang Batas na humahagupit sa ating lahat, walang Pinipili, nambubusabos, nagpapalipana ng mga Berdugong barbaro, at nagsasanay ng pakikidigma At ang atake nila’y lumaya ang mga panaghoy- Sumisigaw ang mga impit na daing, sapagkat Kinikitil ng walang kalaban-laban ang mga messiah Ng bagong panahon. Di nga ba’t mas nakaririmarim pa ang aparatong taglay ni Madam Glorya ngayon kaysa kay Ginoong Marcos noon ? Pangunahing pagkakakilanlan mula rehimeng Aquino, Ramos, Estrada at ngayon nama’y si Gloria, ay ang Malaganap na paglabag sa karapatang pantao. (babalikan pa ba natin ang kabuktutan ni Herod “D Great”?) Pareho lang sila ni G.W. Bush at ni GMA, magkamukha, May magkakambal na maskara, parehong palalo, -iisa Ang kulay, parehong linya ang tinatahak: Digma ng karahasan ! Nakalupasay na ang bansa natin sa walang patumanggang Pagbagsak ng ekonomiya, pagtaas ng mga presyo… Ano ang kinabukasan ang maari pang silayan ng mga Sibol ng ating henerasyon ? Anong klaseng mundo at bansa Ang kahaharapin ng mga uhay mula sa kasalukuyang Sigwa ng kabuktutan ng pamunuan ? Ihahain na lang ba natin ang mga binhi sa dayukdok na Serpente ng lipunan ? Hahayaan ba natin na tutuyutin ng dambuhalang Linta sa pamunuan ng gubyerno ang ginintuang pawis Sakripisyo, ng ating huwarang butil ng mga simulain ? Sa kalagayang ang makinarya ng pagbabago’y nasa Ating mga kamay at sinapupunan, datapwat dinadagit Ng dambuhalang nagbabalat-kayong bagong mesias, Sa panahong nanaghoy ang mga tunay na dakila Mula sa kanilang mga hukay, dinig na dinig ang mga hinaing mula sa mga biktima,- sa kanayunan man, kapatagan, kabundukan at sa mga lansangan, ay dinaluyan ng mga dugo. HUSTISYA ! BATAS ? ako, ikaw, sila, tayong lahat ! Mga biktima ay walang puwang sa sakbibi ng ating Dayukdok na gubyerno ! HINDI ! hindi kailanman nating hahayaang Igugupo ng kinakalawang na estado ang dalisay Na hangarin sa kasaysayan natin. HUWAG ! huwag nating hayaang dungisan ng Kabuktutan ng pamahalaan ang kabanalan Ng ating mga simulain ! DI DAPAT ! hindi tayo dapat pagagapi sa mga |
|||
| Previous
| Next |
|||